ದೇಹದಲ್ಲಿನ ಕೊಬ್ಬನ್ನು ಕರಿಗಿಸಿ ಎಲ್ಲಾ ಭಾಗಗಳಿಗೆ ವ್ಯಾಯಾಮ ನೀಡುವಲ್ಲಿ ಈಜು ಮಹತ್ವದ ಪಾತ್ರ ವಹಿಸುತ್ತದೆ. ದೇಹದ ತೂಕ ಇಳಿಕೆಗೆ ಈಜು ಎಷ್ಟು ಉಪಯುಕ್ತ ಎಂಬುದರ ಸಂಪೂರ್ಣ ಮಾಹಿತಿ ಇಲ್ಲಿದೆ.
ಎಷ್ಟು ಹೊತ್ತು ಈಜು
ತೂಕವನ್ನು ಕಳೆದುಕೊಳ್ಳಲು ಒಬ್ಬರು ಎಷ್ಟು ಸಮಯದವರೆಗೆ ಈಜಬೇಕು ಎಂಬುದು ಅವರ ದೇಹದ ತೂಕ, ಅವರು ಬಳಸುವ ಈಜು ಹೊಡೆತ ಮತ್ತು ಅವರು ಈಜುವ ವೇಗವನ್ನು ಅವಲಂಬಿಸಿರುತ್ತದೆ. ಸೆಂಟರ್ ಫಾರ್ ಡಿಸೀಸ್ ಕಂಟ್ರೋಲ್ ಅಂಡ್ ಪ್ರಿವೆನ್ಷನ್ ಪ್ರಕಾರ ಪ್ರತಿ ವಾರ ಕನಿಷ್ಠ ಎರಡು ಗಂಟೆ 30 ನಿಮಿಷಗಳ ಈಜು ಮಾಡಬೇಕು. ಇದು ತೂಕವನ್ನು ಕಳೆದುಕೊಳ್ಳುವುದು ಮಾತ್ರವಲ್ಲದೆ ನೀವು ಕಳೆದುಕೊಂಡ ತೂಕವನ್ನು ಅದೇ ರೀತಿ ಕಾಪಾಡಿಕೊಳ್ಳಲು ಸಹಾಯ ಮಾಡುತ್ತದೆ.
ಈಜು ಮತ್ತು ತೂಕ ನಷ್ಟ
ನೀರು ಗಾಳಿಗಿಂತ 800 ಪಟ್ಟು ದಟ್ಟವಾಗಿರುತ್ತದೆ, ಅದಕ್ಕಾಗಿಯೇ ಪ್ರತಿ ಕಿಕ್, ಪುಶ್ ಮತ್ತು ಪುಲ್ ನಿಮ್ಮ ಇಡೀ ದೇಹಕ್ಕೆ ವ್ಯಾಯಾಮವನ್ನು ನೀಡುತ್ತದೆ. ಈಜು ಕೋರ್, ತೋಳುಗಳು, ಗ್ಲೂಟ್ಸ್, ಸೊಂಟ ಮತ್ತು ಭುಜಗಳಿಗೆ ಉತ್ತಮ ವ್ಯಾಯಾಮ ನೀಡುತ್ತದೆ. ಈಜುವಾಗ, ನೀವು ಕ್ಯಾಲೊರಿಗಳನ್ನು ಸುಡುವುದು ಮಾತ್ರವಲ್ಲದೆ ದೇಹ ಫಿಟ್‌ ಆಗುವಂತೆ ಮಾಡಿಕೊಳ್ಳಬಹುದು. ತೆಳ್ಳಗಿನ ಸ್ನಾಯುಗಳು ನಿಮ್ಮ ಮೆಟಾಬಾಲಿಸಮ್ ಅನ್ನು ಹೆಚ್ಚಿಸುತ್ತವೆ ಮತ್ತು ಇದು ಹೆಚ್ಚಿನ ಕ್ಯಾಲೊರಿಗಳನ್ನು ಸುಡಲು ಸಹಾಯ ಮಾಡುತ್ತದೆ.
ಬೆಳಗ್ಗಿನ ಈಜು ಉಪಯುಕ್ತ
ಬೆಳಗ್ಗಿನ ಸಮಯದಲ್ಲಿ ಈಜುವುದರಿಂದ ಆರೋಗ್ಯಕ್ಕೆ ಸಾಕಷ್ಟು ಲಾಭಗಳನ್ನು ಪಡೆಯಬಹುದಾಗಿದೆ. ಬೆಳಗ್ಗೆ ದೇಹದ ಭಾಗಗಳು ನಿದ್ದೆಯಿಂದ ವಿಶ್ರಾಂತಿ ಸಿಕ್ಕಿ ಹೊಸ ಚೈತನ್ಯದಿಂದ ಕೂಡಿರುತ್ತವೆ. ಹೀಗಾಗಿ ಈಜುವುದರಿಂದ ದೇಹದಲ್ಲಿನ ಕೊಬ್ಬು ಕರಗಲು ಸಹಾಯವಾಗುತ್ತದೆ. ಕನಿಷ್ಟ ಅರ್ಧಗಂಟೆಯಾದರೂ ಪ್ರತಿದಿನ ಈಜನ್ನು ಅಭ್ಯಾಸ ಮಾಡಿ. ಇದು ನಿಮ್ಮ ಮನಸ್ಸನ್ನು ಕೂಡ ಪ್ರಫುಲ್ಲವಾಗಿರಿಸುತ್ತದೆ.
ಕೀಲುಗಳನ್ನು ಬಲಗೊಳಿಸುತ್ತದೆ
ನೀರು ಗುರುತ್ವಾಕರ್ಷಣೆಯನ್ನು ತಟಸ್ಥಗೊಳಿಸುತ್ತದೆ, ಆದ್ದರಿಂದ ನೀರಿನಲ್ಲಿ ಮುಳುಗಿದಾಗ, ನಿಮ್ಮ ಕೀಲುಗಳಿಗೆ ಅಗತ್ಯವಾದ ವಿಶ್ರಾಂತಿಯನ್ನು ನೀಡುತ್ತದೆ. ಓಟ ಅಥವಾ ಶಕ್ತಿ ತರಬೇತಿಗಿಂತ ಭಿನ್ನವಾಗಿ ಈಜು ಯಾವುದೇ ಗಾಯವನ್ನು ಉಂಟುಮಾಡುವುದಿಲ್ಲ. ದೈಹಿಕ -ಮಾನಸಿಕ ಆರೋಗ್ಯಕ್ಕೆ ಹೆಚ್ಚು ಉತ್ತಮವಾಗಿದೆ.
ಯಂಗ್‌ ಆಗಿರುವಿರಿ
ಹಲವು ಅಧ್ಯಯನಗಳ ಪ್ರಕಾರ ಈಜು ದೇಹದ ವಯಸ್ಸಾಗುವಿಕೆಯನ್ನು ತಡೆಯುತ್ತದೆ. ಹೀಗಾಗಿ ಈಜು ಅಭ್ಯಾಸ ಮಾಡುವವರು ಹೆಚ್ಚು ಯಂಗ್‌ ಕಾಣಿಸುತ್ತಾರೆ. ರಕ್ತದೊತ್ತಡ, ಹೃದಯರಕ್ತನಾಳದ ವ್ಯವಸ್ಥೆ, ಕೇಂದ್ರ ನರಮಂಡಲ, ಕೊಲೆಸ್ಟ್ರಾಲ್ ಮಟ್ಟಗಳು ನಿಭಾಯಿಸಲು ಈಜು ಸಹಾಯಕವಾಗಿದೆ.
