ದುಬೈ: ಬಹುನಿರೀಕ್ಷಿತ ಏಷ್ಯಾ ಕಪ್ ಟ್ವೆಂಟಿ-20 ಕ್ರಿಕೆಟ್ ಟೂರ್ನಿಗೆ ದುಬೈನಲ್ಲಿ ಇಂದಿನಿಂದ ಚಾಲನೆ ದೊರೆಯಲಿದ್ದು, ಉದ್ಘಾಟನಾ ಪಂದ್ಯದಲ್ಲಿ ಶ್ರೀಲಂಕಾ ತಂಡವು ಅಫ್ಗಾನಿಸ್ತಾನದ ಸವಾಲನ್ನು ಎದುರಿಸಲಿದೆ.
ಆರ್ಥಿಕ ಬಿಕ್ಕಟ್ಟಿಗೆ ಒಳಗಾಗಿರುವ ಶ್ರೀಲಂಕಾದಲ್ಲಿ ನಡೆಯಬೇಕಾಗಿರುವ ಏಷ್ಯಾ ಕಪ್ ಟೂರ್ನಿಯನ್ನು ಕೊನೆಯ ಕ್ಷಣದಲ್ಲಿ ಮರಳುಗಾಡಿನ ರಾಷ್ಟ್ರಕ್ಕೆ ಸ್ಥಳಾಂತರ ಮಾಡಲಾಗಿತ್ತು.
ಗುಂಪುಗಳ ವಿಂಗಡನೆ:‘ಎ’ ಗುಂಪು: ಭಾರತ, ಪಾಕಿಸ್ತಾನ, ಹಾಂಗ್‌ಕಾಂಗ್’ಬಿ’ ಗುಂಪು: ಶ್ರೀಲಂಕಾ, ಅಫ್ಗಾನಿಸ್ತಾನ, ಬಾಂಗ್ಲಾದೇಶಗುಂಪಿನಲ್ಲಿ ಅಗ್ರ ಎರಡು ಸ್ಥಾನ ಪಡೆದ ತಂಡಗಳು ‘ಸೂಪರ್ 4’ ಹಂತಕ್ಕೆ ತೇರ್ಗಡೆ ಹೊಂದಲಿವೆ.
ಬಳಿಕ ಸೂಪರ್ 4 ಹಂತದ ಅಗ್ರ ಎರಡು ತಂಡಗಳು ಸೆಪ್ಟೆಂಬರ್ 11ರಂದು ದುಬೈನಲ್ಲಿ ನಡೆಯಲಿರುವ ಫೈನಲ್‌ನಲ್ಲಿ ಪ್ರಶಸ್ತಿಗಾಗಿ ಸೆಣಸಲಿವೆ.ಟೂರ್ನಿಯಲ್ಲಿ ಒಟ್ಟು 13 ಪಂದ್ಯಗಳು ದುಬೈ ಹಾಗೂ ಶಾರ್ಜಾ ಮೈದಾನಗಳಲ್ಲಿ ನಿಗದಿಯಾಗಿವೆ.
ಏಷ್ಯಾ ಕಪ್ 2022 ವೇಳಾಪಟ್ಟಿ ಇಂತಿದೆ:
ಆ. 27, ಶನಿವಾರ: ಶ್ರೀಲಂಕಾ vs ಅಫ್ಗಾನಿಸ್ತಾನ (ಬಿ ಗುಂಪು), ದುಬೈ
ಆ. 28, ಭಾನುವಾರ: ಭಾರತ vs ಪಾಕಿಸ್ತಾನ (ಎ ಗುಂಪು), ದುಬೈ
ಆ. 30, ಮಂಗಳವಾರ: ಬಾಂಗ್ಲಾದೇಶ vs ಅಫ್ಗಾನಿಸ್ತಾನ (ಬಿ ಗುಂಪು), ಶಾರ್ಜಾ
ಆ. 31, ಬುಧವಾರ: ಭಾರತ vs ಹಾಂಗ್‌ಕಾಂಗ್ (ಎ ಗುಂಪು), ದುಬೈ
ಸೆ. 01, ಗುರುವಾರ: ಶ್ರೀಲಂಕಾ vs ಬಾಂಗ್ಲಾದೇಶ (ಬಿ ಗುಂಪು), ದುಬೈ
ಸೆ. 02, ಶುಕ್ರವಾರ: ಪಾಕಿಸ್ತಾನ vs ಹಾಂಗ್‌ಕಾಂಗ್ (ಎ ಗುಂಪು), ಶಾರ್ಜಾಸೂಪರ್ 4 ಹಂತ:
ಸೆ. 03, ಶನಿವಾರ: ಬಿ1 vs ಬಿ2 , ಶಾರ್ಜಾ
ಸೆ. 04, ಭಾನುವಾರ: ಎ1 vs ಎ2 , ದುಬೈ
ಸೆ. 06, ಮಂಗಳವಾರ: ಎ1 vs ಬಿ1 , ದುಬೈ
ಸೆ. 07, ಬುಧವಾರ: ಎ2 vs ಬಿ2 , ದುಬೈ
ಸೆ. 08, ಗುರುವಾರ: ಎ1 vs ಬಿ2 , ದುಬೈ
ಸೆ. 09, ಶುಕ್ರವಾರ: ಬಿ1 vs ಎ2 , ದುಬೈಫೈನಲ್:
ಸೆ. 11, ಭಾನುವಾರ: ಫೈನಲ್, ದುಬೈ
ಎಲ್ಲ ಪಂದ್ಯಗಳು ಭಾರತೀಯ ಕಾಲಮಾನ ರಾತ್ರಿ 7.30ಕ್ಕೆ ಸರಿಯಾಗಿ ಆರಂಭವಾಗಲಿವೆ.
