ಮಲಗಿದಾಗ ಊದುವೆ
ಗುಂಡನ ಮಗ ತಿಮ್ಮ ಪೀಪಿಕೊಡಿಸೆಂದು ದಿನಾಲೂ ರಗಳೆ ಮಾಡುತ್ತಿದ್ದ. ಗುಂಡ ಹೇಳಿದ.
“ನಿನಗೆ ಪೀಪಿ ಕೊಡಿಸಿದರೆ ಹಗಲಿಡಿ ಊದಿ ರಗಳೆ ಮಾಡುತ್ತಿಯಾ” ಅದಕ್ಕೆ ಮಗ ಹೇಳಿದ.
“ಇಲ್ಲಪ್ಪ ನಾನು ಹಾಗೆಲ್ಲ ರಗಳೆ ಮಾಡುವುದಿಲ್ಲ. ನೀನು. ಮಲಗಿದಾಗ ಮಾತ್ರ ಊದುತ್ತೇನೆ.”
*****
ಹಿಂಸೆ
ಮಂಜು ತನ್ನ ಗೆಳೆಯ ರಾಘವನ್ನು ಶೀಲಾಳಿಗೆ ಪರಿಚಯ ಮಾಡಿ ಕೊಟ್ಟ “ಶೀಲಾ ಇವನು ನನ್ನ ಗೆಳೆಯ. ಮಕ್ಕಳ ಮೇಲೆ ಕವನಗಳನ್ನು ಬರೆಯುವುದರಲ್ಲಿ ಪ್ರಸಿದ್ಧ.”
ಶೀಲಾ: “ಮಕ್ಕಳಿಗೆ ಹಿಂಸೆ ಕೊಡುವುದನ್ನು ನಾನು ಸಹಿಸುವುದಿಲ್ಲ.”
ರಾಘು: “ಕವನ ಬರೆದರೆ ಮಕ್ಕಳಿಗೆ ಹಿಂಸೆ ಹೇಗಾಗುತ್ತೆ…?”
ಶೀಲಾ: “ಮಕ್ಕಳ ಮೇಲೆ ಕವನ ಬರೆದಾಗ ಹಿಂಸೆಯಾಗದೇ ಇರುತ್ತಾ..?”
