ಹಾಡು ಕೋಗಿಲೆ ನಲಿದಾಡು ಕೋಗಿಲೆ
ರಾಘವೇಂದ್ರ, ರಾಘವೇಂದ್ರ
ರಾಘವೇಂದ್ರ, ರಾಘವೇಂದ್ರ
ಎಂದು ಹಾಡು ಈಗಲೆ ಎಂದು ಹಾಡು ಈಗಲೇ
||ಹಾಡು ಕೋಗಿಲೆ||
ಹರಿವ ನದಿಯ ಕಲರವದಲಿ ನಿನ್ನ ದನಿಯು ಸೇರಲಿ
ಗಾಳಿಯೊಡನೆ ತೇಲಿ ಹೋಗಿ ದೂರ ದೂರ ಸಾಗಲಿ
ಎಲ್ಲಿ ತಿರುಗಲಲ್ಲಿ ನಿನ್ನ ಮಧುರ ಗಾನ ಕೇಳಲಿ
ಮಧುರ ಗಾನ ಕೇಳಲೀ ||ಹಾಡು ಕೋಗಿಲೆ||
ಮಧುವನರಸಿ ಹೋಗುತಿರುವ ದುಂಬಿಗಳು ಕೇಳಲಿ
ಹೃದಯ ತುಂಬಿ ಬಂದ ದನಿಗೆ ತಮ್ಮ ಶೃತಿಯ ಬೆರಸಲಿ ಕುಸುಮ ಕುಸುಮದಲ್ಲು ಅವನ
ನಾಮ ತುಂಬಿ ಹೋಗಲಿ||ಹಾಡು ಕೋಗಿಲೆ||
ನಿನ್ನ ದನಿಯ ಸವಿಯ ಕೇಳಿ ಜೀವ ರಾಶಿ ನಲಿಯಲಿ
ಎಲ್ಲ ಮರೆತು ನಿನ್ನ ಸ್ವರಕೆ ಎಲ್ಲ ಮರೆತು ನಿನ್ನ ಸ್ವರಕೆ
ಕೊರಳ ಬೆರಸಿ ಹಾಡಲಿ ರಾಘವೇಂದ್ರನೆಂಬ ಧ್ಯಾನ
ಜಗವನೆಲ್ಲ ಕುಣಿಸಲಿ ಜಗವನೆಲ್ಲ ಕುಣಿಸಲೀ
||ಹಾಡು ಕೋಗಿಲೆ||
