ರಾಜು : ಸಾರ್, ನಮ್ಮ ಅಧಿಕಾರಿ ಮಹಾಲಂಚಕೋರ. ಅವನನ್ನ ಹಿಡಿದು ಸರಿಯಾಗಿ ಬಲಿ ಹಾಕಬೇಕು.
ಲಂಚನಿರೋಧಕಾರಿ : ಆಯ್ತು ಹಾಗೇ ಮಾಡ್ತೀನಿ ನನಗೆಷ್ಟು ಕೊಡ್ತೀಯ?
***
ರಾಜು : ಗೀತ, ಇವತ್ತು ಪ್ರೇಮಿಗಳ ದಿನ. ಬಾ ಯಾವುದಾದರೂ ಒಳ್ಳೆಯ ಹೋಟೆಲ್ ಗೆ ಹೋಗೋಣ.
ಗೀತ : ಹೋಟೆಲ್ ಗೇನೋ ಬರ್ತೀನಿ ಆದ್ರೆ ನಿನ್ನ ಮದುವೆ ಆಗೋಲ್ಲ.
ರಾಜು : ಬೇಡ ಬಿಡು.ಹೋಟೆಲ್ ನ ಲ್ಲಿ ನಿನಗಿಷ್ಟ ಬಂದದ್ದು ಇಷ್ಟ ಬಂದಷ್ಟು ತಿನ್ನು, ನಾನು ಹಾಗೆ ತಿಂತೀನಿ.
ಸಪ್ಪೆಯರ್ : ಸರ್ ಮತ್ತೇನು ಬೇಕು?
ರಾಜು : ಏನು ಬೇಡ. ಬಿಲ್ ಎಷ್ಟಾಯ್ತು?
ಸಪ್ಲೇಯರ್ : ಸರ್ ಬಿಲ್ ಐದು ಸಾವಿರವಾಯ್ತು.
ರಾಜು : ಗೀತ, ನೀನು ಬಿಲ್ ಕೊಡ್ತೀಯೋ ಇಲ್ಲಾ ನನ್ನ ಮದುವೆ ಆಗ್ತೀಯೋ?
ಗೀತ : ಮದುವೆನೇ ಆಗ್ತೀನಿ.
***
ಮೇಡಂ : ಕೋಳಿ ಮೊಟ್ಟೆ ನೋಡಿದ್ದೀರಾ?
ರಾಜು : ನೋಡಿದ್ದೇನೆ ಮೇಡಂ.
ಮೇಡಂ : ಹಾಗಾದ್ರೆ ಹೇಳು, ಮೊಟ್ಟೆ ಒಳಗಿಂದ ಮರಿ ಹೇಗೆ ಬರುತ್ತೆ?
ರಾಜು : ಮೊಟ್ಟೆ ಒಳಕ್ಕೆ ಮರಿ ಹೇಗೆ ಹೋಯ್ತು ಅಂತ ನೀವು ಹೇಳಿದ್ರೆ ಮರಿ ಹೇಗೆ ಬಂತು ಅಂತ ನಾನು ಹೇಳ್ತೀನಿ.
