ರಾಜು ಹೊಸದಾಗಿ ಕಾರು ಕೊಂಡಿದ್ದ.ಡ್ರೈವರ್ ಕರೆದುಕೊಂಡು ಎಲ್ಲಿಗೋ ಹೊರಟಿದ್ದ.ಕಾರಿನಲ್ಲಿದ್ದ ಪೆಟ್ರೋಲ್ ಮುಗಿದುಹೋಯಿತು ಆಗ ಡ್ರೈವರ್….
ಡ್ರೈವರ್ :ಸಾರ್ ಕಾರಿನ್ನು ಮುಂದಕ್ಕೆ ಹೋಗೊಲ್ಲ.ಪೆಟ್ರೋಲ್ ಮುಗಿದು ಹೋಯ್ತು
ರಾಜು : ಮುಂದೆ ಹೋಗದಿದ್ರೆ ಬೇಡ.ಹಿಂದಕ್ಕೆ ನಡಿ ಮನೆ ಸೇರ್ಕೊಳ್ಳೋಣ.
***
ಅಪ್ಪ : ಲೋ ರಾಜು, ನಿನ್ನಂಥ ಪೋಲಿಗಳಿಗೆ ಆ ಲಕ್ಷ್ಮಿ ಖಂಡಿತ ಒಲಿಯೋದಿಲ್ಲ.
ರಾಜು : ಅದು ಗೊತ್ತಾಗೇ ಕಣಪ್ಪ ನಾನು ಸರಸ್ವತಿನ ಲವ್ ಮಾಡತಾ ಇರೋದು.
***
ರಾಜು : ( ಹೋಟೆಲ್ ನಲ್ಲಿ )ಎರಡು ಬಿಸಿಬಿಸಿ ಕಾಫಿ ಕೊಡಪ್ಪ.
ಗೀತ : ರೀ ಕಾಫಿ ತುಂಬಾ ಬಿಸಿ ಇದೆ.
ರಾಜು : ಬೇಗ ಬೇಗ ಕುಡಿ ಆರಿ ಹೋಗುತ್ತೆ.
ಗೀತ : ಆರ್ಲಿ ಬಿಡಿ
ರಾಜು : ಬೋರ್ಡ್ ನೋಡು, ಬಿಸಿ ಕಾಫಿಗೆ 10ರೂ ಕೋಲ್ಡ್ ಕಾಫಿಗೆ 20 ರೂಪಾಯಿ.
